பா.ஜ.க-வில், வேலூர் மாவட்ட இளைஞரணி தலைவராக இருப்பவர் கிளி என்கிற சதீஷ். இவரது சொந்த ஊர் அரக்கோணம். தற்போது, குடும்பத்தினருடன் வேலூர் அருகேயுள்ள பள்ளிகொண்டா கட்டுப்படி ரோடு பகுதியில் வசித்து வருகிறார். குற்றப் பின்னணியுடைய கிளி சதீஷின் பெயர் 2021-ம் ஆண்டில் இருந்து `ஹெச்.எஸ்’ ரௌடிகள் பட்டியலிலும் இருப்பதாகச் சொல்கிறது வேலூர் மாவட்டக் காவல்துறை. இந்த நிலையில்தான் கடந்த ஆண்டு ஜூன் மாதம் 6-ம் தேதி பா.ஜ.க-வில் வேலூர் மாவட்ட இளைஞரணி தலைவர் பதவியும் அவருக்கு வழங்கப்பட்டிருக்கிறது.
பா.ஜ.க-வில் பதவிக்கு வந்ததில் இருந்து அரசியல் ரீதியான அட்ராசிட்டிகளிலும் ஈடுபட்டு வந்ததாகச் சொல்லப்படுகிறது. கடந்த 4-ம் தேதி தனது பிறந்தநாளையும் வெகு விமரிசையாகக் கொண்டாடியிருக்கிறார் கிளி சதீஷ். இவரது பிறந்தநாள் பார்ட்டி விழாவில் குற்றப் பின்னணியுடைய நபர்கள் பலர் கலந்துகொண்டு ஆளுயுர மாலை போட்டு மது விருந்து நடைபெற்றதாகக் கூறப்படுகிறது.
ரௌடிகள் பட்டியலிலுள்ள கிளி சதீஷிக்கு பில்டப் கொடுத்து `கானா’ பாடல்களை பாடி யூடியூப் போன்ற சமூக வலைதளங்களிலும் அவரது ஆதரவாளர்கள் பகிர்ந்திருக்கின்றனர். ``மோதிப் பாரு முன்னால... பேசாதீங்க பின்னால. பண்ணதெல்லாம் கேட்டுப் பாரு தரமான சம்பவம்’’ என்று கிளி சதீஷின் ரௌடிசம் குறித்து புகழ் பாடியிருக்கின்றனர்.
இந்த நிலையில்தான் கிளி சதீஷை அதிரடியாக கைது செய்திருக்கிறது போலீஸ். வழிப்பறி உட்பட 4 பிரிவுகளின்கீழ் பள்ளிகொண்டா காவல் நிலையப் போலீஸார் அவர்மீது வழக்குப் பதிவு செய்திருக்கின்றனர்.
இதே போன்றதொரு வழிப்பறி வழக்கில் கிளி சதீஷின் கூட்டாளிகளான மேலும் 2 பேரை விருதம்பட்டு போலீஸார் மடக்கிப் பிடித்து கைது செய்திருக்கின்றனர். விருதம்பட்டு அருகேயுள்ள தண்டல கிருஷ்ணாபுரம் என்ற டி.கே.புரம் பகுதியைச் சேர்ந்த நவீன்குமார் மற்றும் அதே பகுதியைச் சேர்ந்த ராஜேஷ் ஆகியோர்தான் கைதுசெய்யப்பட்டவர்கள். இவர்களும் பா.ஜ.க-வில்தான் பயணிக்கின்றனர். நவீன்குமார் இளைஞரணியிலும், ராஜேஷ் ஐ.டி விங் பொறுப்பிலும் இருப்பதாக விவரிக்கிறது போலீஸ்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://tinyurl.com/2b963ppb
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://tinyurl.com/2b963ppb
from India News https://ift.tt/zeusXko
0 Comments