உத்தரகாண்ட், பஞ்சாப், கோவா, மணிப்பூர் மற்றும் உத்தரப்பிரதேசம் ஆகிய ஐந்து மாநிலங்களுக்கான சட்டப்பேரவைத் தேர்தல், கடந்த பிப்ரவரி 10-ம் தேதி தொடங்கி இன்று மார்ச் 7 வரை நடைபெற்றுவருகிறது.
அதில் உத்தரகாண்ட், பஞ்சாப் மற்றும் கோவாவில் ஒரே கட்டமாக தேர்தல் நடந்து முடிந்தது. மணிப்பூர், உத்தரப்பிரதேசம் ஆகிய மாநிலங்களில் 7 கட்டங்களாக தேர்தல் நடந்துவருகிறது. இன்று கடைசி கட்ட வாக்குப்பதிவு என்பதால், மணிப்பூர் மற்றும் உத்தரப்பிரதேசத்தில் விறுவிறுப்பாக வாக்குப்பதிவு நடைபெற்றுவருகிறது.
இந்த நிலையில், இரு மாநிலங்களில் மாலை 6 மணிக்கு தேர்தல் வாக்குப்பதிவு முடிந்த கையோடு, பிரபல செய்தி நிறுவனங்கள் `எக்ஸிட் போல்- Exit Poll' எனும் தேர்தல் முடிவு கருத்துக்கணிப்பை வெளியிட இருக்கின்றன. அதனால், அரசியல் கட்சியினர், அரசியல் நோக்கர்கள் என அனைவரும் இந்த `எக்ஸிட் போல்' முடிவுகள் எப்படி இருக்கப்போகிறது என்று மிகுந்த எதிர்பார்ப்பில் இருக்கின்றனர்.
உத்தரப்பிரதேச சட்டமன்றத் தேர்தலின் 7-ம் கட்ட வாக்குப்பதிவு, அசம்கர், மௌ, ஜான்பூர், காஜிபூர், சந்தோலி, வாரணாசி, மிர்சாபூர், பதோஹி மற்றும் சோன்பத்ரா ஆகிய 9 மாவட்டங்களில் காலை 7 மணிக்குத் தொடங்கி மாலை 6 மணி வரை நடைபெறுகிறது.
அது முடிந்த பிறகு இன்று மாலை 6 மணியளவில் அனைத்து முக்கிய ஊடகங்களும் தங்கள் கருத்துக்கணிப்புகளை வெளியிடப்போவதாக அறிவித்திருக்கின்றன.
from தேசிய செய்திகள் https://ift.tt/raipsmy
0 Comments