திருமண உதவி திட்டங்களுக்காக ரூ.379 கோடி மதிப்பில் தங்க நாணயங்கள் கொள்முதல்

திருமண உதவி திட்டங்களுக்காக ரூ.378 கோடியே 80 லட்சம் மதிப்பில் 94 ஆயிரத்து 700 தங்க நாணயங்களை கொள்முதல் செய்வதற்கான டெண்டர் கோரப்பட்டுள்ளது.

ஏழைப் பெண்களின் திருமணத்துக்காக சமூகநலத் துறையின் மூலம் 5 வகையான திருமணஉதவித் திட்டங்கள் செயல்படுத்தப்படுகின்றன. அதன்படி, கல்வித் தகுதிக்கு ஏற்ப 8 கிராம் தங்கநாணயத்துடன் ரூ.25 ஆயிரத்தில் இருந்து ரூ.50 ஆயிரம் வரை உதவித் தொகை வழங்கப்படுகிறது. நடப்பாண்டில் பயனாளிகளுக்கு வழங்க ரூ.378 கோடியே 80 லட்சம்மதிப்பில் 94 ஆயிரத்து 700 தங்கநாணயங்களை கொள்முதல் செய்ய சமூகநலத் துறை சார்பில் டெண்டர் கோரப்பட்டுள்ளது.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/3FwGuUY