மதுரை: கூட்டணி கட்சியினரிடம் வாழ்த்து... தேர்தல் பணிகளைத் தொடங்கிய சு.வெங்கடேசன்!

மதுரை நாடாளுமன்றத் தொகுதி வேட்பாளராக இந்திய கம்யூனிஸ்ட் (மார்க்சிஸ்ட்) கட்சியால் மீண்டும் அறிவிக்கப்பட்டுள்ள சு.வெங்கடேசன் தேர்தல் பணிகளை சுறுசுறுப்பாக தொடங்கியுள்ளார்.

கோ.தளபதியுடன்

மதுரை நாடாளுமன்றத் தொகுதி மீண்டும் சி.பி.எம்-முக்குத்தான் என்று எல்லோரும் உறுதியாக கூறிவந்த நிலையில், தி.மு.க தலைமையும் அப்படியே ஒதுக்கியது. அதேபோல் சு.வெங்கடேசனே மீண்டும் வேட்பாளராக அறிவிக்கப்பட்டார்.

சென்னையில் முதலமைச்சர் மு.க.ஸ்டாலினிடமும் கூட்டணிக் கட்சி தலைவர்களிடமும் வாழ்த்துகளைப் பெற்று மதுரை வந்த சு.வெங்கடேசன், நேற்று காலை மதுரை மாவட்ட சி.பி.எம் அலுவலக வளாகத்தில் அமைந்துள்ள தூக்கு மேடை பாலு சிலைக்கு மாலை அணிவித்து தேர்தல் பணிகளைத் தொடங்கினார்.

தூக்குமேடை பாலு சிலைக்கு மரியாதை

அதன் பின்பு மதுரை வடக்கு மாவட்ட செயலாளரும் அமைச்சருமான பி.மூர்த்தி, மதுரை மாநகர் மாவட்ட செயலாளரும், எம்.எல்.ஏ வு-மான கோ.தளபதி உள்ளிட்ட தி.மு.க நிர்வாகிகளை சந்தித்து வாழ்த்து பெற்றார்.

வேறு எந்தக்கட்சிகளும் மதுரைக்கு வேட்பாளர்களை அறிவிக்காத நிலையில் சி.பி.எம் மற்றும் அதன் சார்பு அணியினர் மக்களிடம் வாக்கு சேகரிப்பு பணிகளை தொடங்கி விட்டார்கள்.

சு.வெங்கடேசன்

இந்த நிலையில் மதுரை நாடாளுமன்ற தொகுதிக்கு உட்பட்ட கிழக்கு மற்றும் மேலூர் தொகுதியில் வேட்பாளர் அறிமுக கூட்டம் வரும் 20 மற்றும் 21 ஆகிய தேதிகளில் நடைபெற உள்ளதாக  அமைச்சர் பி.மூர்த்தி அறிவித்துள்ளார்.

இதற்கிடையே பிரபல எழுத்தாளர் பட்டுக்கோட்டை பிரபாகர், கட்சி சார்பில்லாமல் அனைவரும் சு.வெங்கடேசனுகு வாக்களியுங்கள் என்று பல விஷயங்களை குறிப்பிட்டு சமூக ஊடகத்தில் பகிர்ந்துள்ள பதிவு வைரலாகி வருகிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://bit.ly/47zomWY

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/47zomWY

from India News https://ift.tt/EUBH57q