புதுச்சேரி முத்தியால்பேட்டையில் சிலிண்டர் வெடித்து விபத்து ஏற்பட்ட வீடு முற்றிலும் இடிந்து விழுந்தது

புதுச்சேரி முத்தியால்பேட்டையில் சிலிண்டர் வெடித்து விபத்துக் குள்ளான வீடு முற்றிலுமாக இடிந்து தரைமட்டமானது. நகராட்சி அதிகாரிகள் வீட்டை பார்வையிட்டு அவற்றை அகற்றும் பணியில் ஈடுபட்டனர்.

புதுச்சேரி அங்காளம்மன் நகரில் வசித்து வருபவர் சுரேஷ். உழவர்கரை மாவட்ட பாஜக இளைஞரணி பொதுச் செயலாளராக உள்ளார். இவருக்கு சொந்தமான 3 மாடி வீடு முத்தியால்பேட்டை அங்காளம்மன் நகர் முதல் குறுக்கு தெருவில் இருந்தது. வீட்டின் கீழ்தளம் மற்றும் முதல் இரண்டு தளத்திலும் தலா 4 குடியிருப்புகள் இருந்தன. வீட்டின் முன்புறம் சுரேஷ் பாஜக அலுவலகம் நடத்தி வந்தார். அதே தளத்தில் சுரேஷின் சித்தி எழிலரசி மற்றும் அவரது மகள் நிதி ஒரு குடியிருப்பிலும், எழிலரசியின் தாய் ஜோதி ஒரு குடியிருப்பிலும் தங்கியிருந்தனர். கடந்த 27-ம்தேதி எழிலரசியின் வீட்டில் பயங்கர சத்தத்துடன் விபத்து நடந்தது. இதில் வீடு இடிந்தது. எழிலரசி, நிதி, ஜோதி ஆகிய 3 பேரும் தீக்காயங்களுடன் இடிபாடுகளுடன் கிடந்தனர். அருகில் இருந்தவர்கள் அவர்களை மீட்டு மருத்துவமனையில் சிகிச்சைக்கு அனுமதித்தனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்