​​​​``எடப்பாடி பழனிசாமிக்கு போட்டி​ திமுக அல்ல;​ நானும், ஓபிஎஸ்​ஸூம்தான்" - தேனியில் டிடிவி தினகரன்

​தேனி பங்களாமேட்டில் ​அ​.​ம​.​மு​.​க சார்பில் நடைபெ​ற்ற​​ ஜெயலலிதா பிறந்தநாள் விழா பொதுக்கூட்ட​த்தில் பங்கேற்ற அக்கட்சியின் பொதுச் செயலாளர் டி.டி.வி.தினகரன், ``தேனியில் ​தான் முதன்முதலாக நாடாளுமன்ற தொகுதி வேட்பாளராக ஜெயலலிதாவால் அறிமுகப்படுத்தப்பட்டேன்.​ ​1999-ல் அதிக வாக்குகள் வித்தியாசத்தில் வெற்றி பெற்றேன். இதே தொகுதியில் மீண்டும் 2004-ம் ஆண்டில் குறைந்த வாக்குகள் வித்தியாசத்தில் தோல்வி அடைந்தேன். ஆனால் ஜெயலலிதாவால் ராஜ்ய சபா உறுப்பினராக பதவி பெற்றேன்.​ ​என்னோடு இதே பகுதியை சேர்ந்த ஒருவரும் ராஜ்ய சபா உறுப்பினராக தேர்வு செய்யப்பட்டார். ​எம்.ஜி.ஆர் யாரை எதிர்த்து அதிமுகவை ஆரம்பித்தாரோ அந்த கட்சியில் அவர் சேர்ந்து​விட்டார். தேனி மாவட்டத்தில் உள்ள அதிமுகவினர் திமுக-வுக்கு சென்று வெற்றி பெற்றதாக சரித்திரம் இல்லை.

டிடிவி தினகரன்

அ.தி.மு.க வை மீட்டெடுக்க ​கஜினி முகமது போல் போர் தொடுத்து வெற்றி பெறும் வரை ஓய மாட்டோம்.​ ​ஜெயலலிதாவின் ஆட்சியை மீண்டும் தமிழகத்தில் உருவாக்கும் வரை உழைப்போம்.​ ​​அ.தி.மு.க  பொதுக்குழு செல்லும் என உச்ச நீதிமன்றம் அளித்த தீர்ப்பு, ஒரு இடைக்கால தீர்ப்பு தான்.​ ​எனக்காக தொப்பி அணிந்து கொண்டு ஆர்.கே.நகர் இடைத்தேர்தலில் வாக்கு கேட்டவர் எட்டப்பர் என்ற எடப்பாடி பழனிசாமி.​ ​துரோகம் செய்தவர் இன்று ​அ.தி.மு.க​பொதுச்செயலாளர் பதவியில் அமர இருக்கிறார். அவர் ஆசை நிறைவேறாது.

​கடந்த சட்டமன்ற தேர்தலில் இரட்டை இலை சின்னம், கூட்டணி பலம், பண பலம் மற்றும் ஆட்சி அதிகாரம் இருந்தும் வெற்றி பெற முடியவில்லை.​ ​மக்கள் மத்தியில் ஒரு எழுச்சி உண்டாகும். அப்போது தமிழகத்தில் மீண்டும் ஜெயலலிதா ஆட்சி நடக்கும்.​ ​ஜெயலலிதா பல்வேறு போராட்டம் நடத்தி முல்லைப் பெரியாறு அணையின் நீர்மட்டத்தை 142 அடியாக உயர்த்திக் காட்டினார். அவர் வழியில் நாம் போராடி 152​ ​அடியாக உயர்த்துவோம்.​ ​முல்லை பெரியாறு அணை கட்டிய ஆங்கிலேய பொறியாளர் கர்னல் ஜான் பென்னிகுயிக்​ ​மதுரையில் வாழ்ந்ததற்கான ஆதாரம் இல்லை என அவ​ர் வாழ்ந்த​ இல்லத்தை ​இடித்துவிட்டு ​ நூலகமாக மாற்றும் நடவடிக்கையில் ஈடுபட்டுள்ள ஸ்டாலின், கருணாநிதிக்கு பேனா சிலை நிறுவும் முயற்சியிலும் ஈடுபட்டு வருகின்றார்.

பொதுக்கூட்டம்

​ஈரோடு இடைத்தேர்தலில் திமுக-வுக்கு பயந்து கொண்டு அதிமுக தொண்டர்களை எடப்பாடி பழனிசாமி பலியாக்கி வருகிறார்.​ ​​எடப்பாடி பழனிசாமிக்கு போட்டி​ திமுக அல்ல​ டிடிவி தினகரன், ஓ.பி.எஸ்​-ஸூம் தான்.​ ​​​துரோகம் செய்தவர்கள் வாழ்ந்ததாக சரித்திரம் இல்லை. தற்போது வேண்டும் என்றால் எடப்பாடி பழனிசாமி வெற்றி பெற்றிருக்கலாம்.​ ​சரியான நேரத்தில் மக்கள் தீர்ப்பளிப்பார்கள். மக்கள் தீர்ப்பே மகேசன் தீர்ப்பு.

கூட்டம்

​இரட்டை இலை சின்னத்தை வைத்து கொண்டு​ ​எடப்பாடி பழனிசாமி குதித்து கொண்டிருக்கிறார்.​ ​​இரட்டை இலை சின்னம் துரோகிகள் கையில் இருக்கிறது​ என்பதை​ தொண்டர்களும் உணர்ந்து வருகின்றனர்.‌ ஜனநாயக வழியில் ஜெயலலிதா ஆட்சியை மீண்டும் ஏற்படுத்துவோம்”​ என்றார்.​​​

from India News https://ift.tt/9yEQHzh